燒海鮮專門店 ~ 7 + 3

st814

最近幾位超版都不約而同地出7+3報告, 其實這裡正是小弟飯堂之一 , 原因是這裡鄰近老京, 經美園過來5分鐘路程, 而且我又喜歡食燒烤, 更是瘋狂迷戀燒海鮮 , 要在深圳找一間衛生情況信得過的, 你知有多難嗎。

地點算是易找, 春風路威記樓下, 夜晚6時才營業至早上6時 , 而且附近也頗熱鬧, 不用擔心人身安全。 7+3環境不錯, 闊落, 店主對空間絕不吝惜, 每檯均有充足距離, 私隱度高, 適合三五知己下班後一敘, 但是我就多數一個人來, 無人陪, 好不容易才找到幾位朋友共敘。 :)

晚上除了飯市, 都有酒吧客, 熱鬧但不吵耳 , 氣氛甚佳, 跟香港的清吧差不多吧, 客路也是斯文客, 高檔客為主, 有球賽的日子, 可能會更多人, 因為掛幕電視差不多有成100吋 。這裡的老闆為港人, 對衛生看得很重, 這是我對食店最基本的要求。今次人多, 而且7+3又新增了幾款菜式, 試食下先。

至愛燒虎蝦
香港食燒虎蝦, 最平旺角也要88隻, 這裡同樣質數才23元, 點忍得口? 大大隻, 仲長過我手掌 , 今次加了七味粉 來燒, 小小辣。




虎蝦 (芝士伊面底)
老實講, 我同海鮮可能前世有仇 , 比我見到點會輕易放過? 保留左蝦既鮮味, 再加上伊底頂頂肚, 清清地, 無咁熱氣。




蒜茸蒸扇貝
幾新鮮, 而且無沙, 唔錯, 只是太細隻, 唔多夠喉, 下次order大大隻的才要, 又或者食 番7+3最出名既燒蠔。



燒茄子
茄子要燒得好, 真是幾考功夫, 我自己試過, 唔是over heat, 就是唔熟, 已經食死左唔小朋友 , 這裡火喉剛好, 鐵板錫紙上菜, d汁 仲炸炸聲 , yummy!



從化油雞
好像是新菜式來的, 聽老闆介紹, 特意由從化農場精挑 過來, 從化走地雞出名, 是人都知, 自己試食過, 真是幾有雞味, 而雞本身就唔是幾肥, 應該無打過針, 哈哈。叫半隻才36元 , 加碗白飯, 當一人晚餐都得。



花蟹+基圍蝦沙鍋粥
這裡的沙鍋粥有樣野好, 就是可以由1人分量至8人分量的去叫。由32至118元不等。我地今次就自己order, 花蟹 58元/斤, 基圍蝦 68元/斤。真是即叫即做, 等了30分鐘, 頸都長, 但是新鮮 用料煲出來都是唔同, 啖粥好鮮甜。



今次落樓, 為到50元一個人, 一d都唔貴, 而且有wifi上網, 當網吧真是一流。8人消費滿240元, 就可以用vip區 (唔太確定), 如果只是小貓3-4隻的話, 加小小service charge 都可以, 靜靜地同班friend來談天說地都是唔錯既選擇。

BIG_BROTHER

証明st好識食, 我平時一般都係食燒烤多, 乜原來佢地有咁多花臣?
果碟蝦.......正到爆

lilyli

睇唔倒相，好吊引

小肚腩0608

7+3我都去過...食物都幾好~~

賓州電鋸插人狂

剩係睇下呢幾幅圖，都已經感覺到有好香嘅燒烤味傳出嚟，真係～～～

聞一聞醒腦提神，嗦一嗦舒筋活絡！

　 　

st814

睇唔倒相，好吊引
lilyli 發表於 2009-5-15 22:12

為什麼呢??

st814

剩係睇下呢幾幅圖，都已經感覺到有好香嘅燒烤味傳出嚟，真係～～～

聞一聞醒腦提神，嗦一嗦舒筋活絡！

　 　
賓州電鋸插人狂 發表於 2009-5-16 01:48

多謝賓州兄

bbyou

哇,原來有咁多好食啲,點解之前我唔知啊

lilyli

為什麼呢??
st814 發表於 2009-5-16 03:47

唔知呀? 琴日到今日到系睇唔倒相，cap咗下面幅圖比你睇吓.....

如果將圖片內容條link複製再用新視窗開啟，則出現下列字眼:

Forbidden
You don't have permission to access /attachments/month_0905/0905151055bed72031702cde09.jpg on this server.
Apache/2.2.8 (EL) Server at www.vshare.cc Port 80

st814

li 兄, 今天看到了嗎?