查看: 3036|回復: 24

22-5-2009金色陽光報告 [複製鏈接]

Rank: 6 Rank: 6

發表於 2009-6-6 21:31:37 |顯示全部樓層

22/5晚提早收工, 立即去接埋大人飛奔羅湖口岸. 抵達羅湖先求其醫下肚, 然後就去交通樓諗住去師兄介紹既春風城過夜. 點知大人原來喺朋友手中攞到金色陽光既VIP咭, 優惠68元中式雙鐘, 其他消費9折, 點計都係用VIP抵啲, 咁就梗係上金色陽光架專車啦!

2300去到, 分別換衫再喺大堂非吸煙區會合. 坐低嗌番碟任食生果同杯任飲飲品, 就叫埋大堂小妹安排按腳, 48人仔50分鐘. 大人搵個大力男, 痛死! 我就一路睇足球重播一路嘆, 夠鐘一人小簽10人仔.

跟手入房做中式. 服務員話星期五關係, 要按3粒鐘身先可過夜, 冇所謂啦! 50分鐘為1個鐘計, 0030上鐘即係0300落鐘啦! 2位中女技師到場, 按得都唔錯. 大人嗰個仲出埋踩背, 大人痛死我心痛死! 按按下我個技師電話響, 雖然佢已細細聲講電話, 但我都聽到原來有人call佢鐘, 仲要call佢0230. 我立即心諗, 等陣個技師一定會諗辦法唔幫我按第3粒鐘......

好戲嚟喇, 大約0210, 我個技師話覺得我個身已經鬆晒, 其實唁使砸按落去, 又建議我不如第2 朝瞓醒先搵第2個按埋第3粒鐘效果仲好, 大人個技師又話不如即刻幫我哋搵間泰式房, 會瞓得舒服啲......我立即話好!

大人唔明點解我唔再揼落去, 我費事俾啲技師知我睇穿佢, 就用英文向大人解釋. 大人明白留到佢哋都個人都留唔住個心, 放佢哋一馬啦!一人小簽20人仔.

轉咗去泰式房2人世界, 可惜走廊成日有人行過, 瞓得唔好.

朝早錯過咗免費自助早餐, 照去2樓餐廳食晏. 下晝埋單坐專車去羅湖回港, 2人總共約370人仔.

1 查看全部評分