查看: 5282|回復: 77

學習師兄撰寫一份正規按摩院「凱旋灣」消費後的報告 [複製鏈接]

Rank: 10

發表於 2010-4-1 23:00:46 |顯示全部樓層

本帖最后由 ALAN007 于 2010-4-5 08:23 编辑

「有師弟；無閉翳！」呢句話我諗除咗佢本人唔應同之外！
都無乜邊個唔應同？點解？佢實係嫌嫌、虛虛話：「算係乜吖！」
師弟哥啲豐功偉蹟！我諗無都乜邊個敢話未曾受惠過？
又係除咗佢本人唔應同之外！點解？佢自己報料！出錢、出力唔在講！
重要做埋試鐘男！好嘢先至推、推！嗰份情造；至高無尚！
出錢出力又點會係受惠者吖！你話係唔係吖？師弟哥！在此我向你致敬！
就講「骨場優惠月月新」，唔睇你就笨！今次我就因為睇咗佢嘅報料而慳咗廿蚊！
話說師弟哥經常掛在口邊嘅沙頭角「凱旋灣」！我本來都蠢蠢欲試咗好耐嘞！
今次决定要去行一轉、做番份功課！
去之前首先喺「谷哥」地圖查察位置！咁就十拿九隠嘞！
而師弟哥份「骨場優惠月月新」報料話坐直巴保留張飛尾。。。可以當廿PAY。。。好神奇！
今日我决定要去揾沙頭角村長個女嘞！
响九龍塘火車站旁嘅公共運輸交滙處就有直巴去沙頭角！

咦！奇怪！點解有兩間直通巴士公司都係去嗰度！

搭邊架至真？原來兩架都可以去得到嘅！同一起點、同一目的地！兩家都話明不停沙田嘅！

但唔知點解政府會咁大整蠱！咁安排？唔通有競爭才有進步？我就唔理三七廿一！邊架開先就搭邊架！
大概一粒鐘就去到目的地－沙頭角口岸！途中會喺粉嶺停一停途經龍躍頭及軍地等地。
途中重見到師弟哥曾經提及嗰隻「畜生（動物）！禁止進入」個牌添！
終於到達目的地沙頭角嘞！其實之前去大小梅沙都嚟過沙頭角嘅！
據過往經驗沙頭角，夏季先至會熱鬧！
收關以往會在下午八點前！現在已改為下午十點咁上下！（直巴尾班車約九點九沙頭角開出）

今次諗着行程會係二日一夜。大唱「今天不回家」！
本來口岸對面嘅三家村中途站；搭去大小梅沙嘅車喺鹽田汽車站落車；
正正就係「凱旋灣」嘞！心諗時間尚早；加上睇過「谷哥」地圖。覺得唔會太遠！
行過去都係大約45分鐘。一於漫遊沙頭角喇！
沙頭角口岸對面有間小肥羊！鐘意食羊肉嘅朋友唔好錯過嘞！

有倒數嘅交通燈，重先進過香港！服未？

口岸過少少，已經有間奀場！

有啲建築物重保留八十後嘅風貌同口號！

「有七仔」情侶想幾痛快；有幾痛快！

我已進入了「安全地帶」！

呢間單車舖！乜嘢古靈精怪嘅單車都有得賣！乜嘢雙人單車、卧行單車。。。
噏得出都有有需要就嚟呢度行吓、昅吓喇！

不經不覺已經行到嚟海山公園！

山比天更高！改天拜訪罷喇！

坐巴士喺鹽田汽車站落車；正正就係「凱旋灣」！
而回程門口對面個站。四通八達！去邊都得！例如：火車站、
文錦渡口岸（只在早晚繁忙時間開放７－９、５－８之類！自己留意吓）
福田、遠至布吉都有大巴去到！沙頭角口岸更加唔使講喇！

今次故事嘅主人翁「凱旋灣」！

列女迎賓，我最鐘意嘅環節項目！
中間好多靚女好鬼省鏡添！有個我重幾心儀添！

個前廳空間感十足！

重有啲好鬼省鏡嘅女賓顧客！如果啲技師係咁靚就阿彌吉帝嘞！

啲場嗰啲「樂假」仔永遠都係「來時怠慢；走時殷勤」！
來時一人褫，去時三人圍！

毛巾潔白，用得放心！

水頭足；好似我！夠哂HOT；更加似我！

淋浴只得孖寶，重要打埋SPORT LIGHT。。。夠照！

淋浴間十零格；節假日希望夠使夠用喇！

少少空間都要攪啲花臣嘢！有四格列為VIP區。。。有簾用！
不過你大可以隨便用！無人會理你嘅！

乾蒸房裏面有個凍水池仔！玩冰火唔使兩頭騰！抵讚！

濕蒸完啲掦州仔一定會問你擦唔擦？
如果係掦州女我一定樂於奉陪擦炮！仔。。。咪喇！

水療位要幕後乞手操作嘅！不過話你知！
啲水療位係形同虛設！行到邊、坐到邊！請放心！都唔會有人理你嘅！

大池與凍水池

號稱熱水池！不過一啲都唔熱！
後來先知"日間係保養期，夜晚熱到甩皮！"

二更計來要俾一更好！

去大堂行樓梯，行都腳仔軟！鬼咩！因為剛剛行咗成半朝！

一副大場風範！

附容風雅！識得整番幾件精品坐陣！

HI。。。！粉嶺嘅街坊！點解知佢哋係粉嶺嚟？
鬼咩！粉嶺去沙頭角口岸，車錢先２５！用嚟當優惠券減２０蚊！
即係５蚊車錢！你話係唔係碰口碰面粉嶺街坊吖？
C9同CC叔叔係間場主要嘅客人

咁多人圍埋睇啲乜嘢呢？

哦！原來係睇啲着數嘢！重猛咁問個MISS有啲乜嘢優惠添！
嗱！上堂要留心聽講喇！問多句無蝕底嘅！
費時落堂嗰時埋單抝數就無乜謂喇！傷感情嘛！

就係呢個着數嘢令我改變我今次嘅計劃！
嗱！早上八點至下午六點埋單！中、泰式一律８８元雙鐘！
連埋一個自助餐添！重話明直通巴士飛尾照夠可以當廿蚊咁使！
初初我以為不可有重叠優惠！點知會咁很抵！按摩重要係足鐘嗰隻！
計一計！外面食餐飯起碼都三十幾喇！即係話三十八蚊就可以揼個靚骨！
何樂而不為呢？恭敬不如從命！我唔客氣喇！六點前鬆就六點前鬆喇！

環顧週圍
水果吧，啲生果新鮮、任食！

食雪糕；自助唔使同我客氣嘅！

枱波任打

啲CC叔叔梗係唔同我客氣喇！

乒乓球又係免費！

健身室算係好過無！

網吧有六格，有簾用、有私隱！

頭鐘免費，之後十蚊一粒鐘！

睇嚟都幾多客噃！附近好似無乜其它靚場！唔爆就有鬼喇！

「樂假」仔曾經提過我夠鐘食午餐！我來也！

「人生於世上有幾個知己。。。。」；咁叠友！似唔似喺。。「大倉」呢？

食完個午餐，唞一唞！睇咗陣香港啲電視節目。

六點前要埋單！分秒必爭！按摩前，去埋洗手間先！

中式、泰式同價！儍嘅都揼泰式喇！服務員引路到尾房，
重話呢間房夠偏又夠靜！好似好識做咁！

標準泰式房

等技師報鐘時就"CAMERA"！

點知。。。

囡囡年廿四五左右，開業近四個月！我懷疑佢有自閉症！唔好講其它；
先講報鐘，報完鐘立即將燈調到至暗！等我以為有驚喜添！就連囡囡相也來不及影！
滿房已經充滿浪漫感覺！其實只是囡囡不想見人！怕尷尬而已！先按腳即問要否大力！
大姐呀！你我素未謀面！要試一陣先知！跟住重攞命！吩咐佢拎多一個衴頭嚟！
點知佢隨手攞個腳衴遞過嚟就算！唔係化？攞個腳衴嚟衴頭？師承邊位呀？咁都得？
佢重講好多客都係叫佢咁做嘅！人家土頭用土方法！
唉！我係文明人嚟！跟着出房攞衴頭！
唔攞猶至可，一攞就去咗成十分鐘！耐成咁！我就隨便响隔籬房攞咗個就算！
佢番離重話响隔籬房度攞唔啱公司規定！
唉！小弟縱橫天下大小骨場咁多年！攞衴頭邊個唔係咁攞！邊有人真係去布草房度攞！
為咗攞一個衴頭呢？咁樣就哂咗成十分鐘嘞！
跟着開跑進入直路！平常按摩不外乎傾吓偈、訪問吓之類。。。
佢就十問二應！問佢啲嘢兜圈又兜圈！
其實只係一些皮毛問題，如藉貫、年齡。。。等等
本來呢啲都是一啲私人嘢，但你隨便講吓！無人會深究嘅！何必東拉西扯呢？
問及間場押金收幾多？竟然不知押金為何物！天呀！做呢行！竟然不知押金為何物！
點食呢行飯呀？大姐！無癮！跟住互不相干，
按近一粒鐘！途中都有問想按邊度、邊度之類。
點知唔問猶至可，問起把幾火！既然你問得我邊度想按多啲，我就指指點點！
點知大姐問；點解要按多啲呢度？
嘩！點解要按多啲呢度？我覺得這裏勞損就想按多啲喇！
這裏又不是什麼敏感地方；按呢度難道要申請？而且按咗兩嘢！又按回她自己嘅程序！
那又何必問我呢？大姐！
還有在整個過程我全身好似被人用濕布抹身咁樣！
原來大姐是有手汗的！重係好勁嗰隻！唉！好難受呀！
時間終於過去！簽咗三十！老實講！平時就算聽日無錢開飯！我都一定簽五十！
今次我是被迫的！大姐你不要怪我呀！
同時我希望今次是個個别例子，下次再來事但試吓其他妹妹！我一定會得到答案的！
這樣的技師！我想誰也不想碰上！所以技師號碼燈謎暫停一次！懇請原諒！
分秒必爭！揼完冲涼、埋單鬆人去也！
埋單無花無假８８－２０＋３０＝９８元，加一都唔使！

１００蚊重有２皮找！哈哈！總算係一個「好很抵」嘅旅程！大臀圓結局！
可惜案頭沒有糖果籌賓！無中不足！

車路侍恭恭、敬敬送我去沙頭角口岸。
見佢咁客氣咪醒咗十皮過佢，大家HAPPY！嘻嘻！不成敬意！

咁就漏夜趕緊路程！回家也罷！

小弟足印
二零壹零年度天字號第壹頁呈報

附件: 你需要登錄才可以下載或查看附件。沒有帳號？註冊 

2 查看全部評分